بسم الله والصلاة والسلام على رسول الله

مين بقى جوجل ادسنس؟

بعديد بقى عن التنشنة والهبد والرغى الكتير فى كلام ومصطلحات وعبارات الواحد طفحه من كترها.

النهارده وعلى طريقتنا وبساطة وبالبلدى كده هنوصف جوجل ادسنس

جوجل ادسنس من غير همزة

ده بقى ان شاء الله شركة اعلانات انشاتها جوجل للربح من النت, اما جوجل بقى دى معروفة طبعا مش للدرجه دى ياعنى.

وانت ياعم بتحكلنا الموضوع ده ليه دلوقتى, والمفروض ان ده اول موضوع فى مدونة جديده, وكمان بتبدا تتكلم فى موضوع زى مابيقولوا كده م الاخر.

بصراحه اه ده كلام مظبوط, بس حبيت اقرب البعيد زى مابيقولوا, الكل عاملين خبرا فى ادسنس, ويقعد يحكيلك فى مواضيع واستراتجيات وخطط واحترافيه, فى حاجه حد الله ماهم فهمين فيها حاجه, بس بنسمعهم وبنقرا لهم غصب عننا, وده ليه بقى عشان احنا اللى محتاجين نعرف مين حضرته, ونعوزه فى ايه ونستخدمه فى ايه.

ادسنس شغل مساطب وبالفلاحى

تعال ياعم ياللى بتبدا وناوى تبدا مشروعك وتحاول تنفذ اللى عمال تسمعه طول عمرك, ان النت بيكسبوا منه فلوس, وممكن تكسب من النت, مش هحكيلك حواديت انا كمان انا هلخص لسياتك الموضوع, انا ببدا تعالى انت كمان وابدا معاية ورزقى ورزقك على الله.

انشاء مدونة بلوجر لو مش عارف اى حاجة

سهله متقلقشى

1-هتنشا ايميل على جميل gmail

2-هتدخل على بلوجر وتختار اسم لمدونتك

3-هتختار لينك يكون نفس اسم المدونة

م الاخر عشان مدونتك تتقبل فى google adsense

متتعبشى نفسك وتقعد تكتب فى مواضيع وحكايات انت اصلا متعرفشى عنها حاجه, وتعالى اسمع من اخوك المفيد والصريح.

• الموضوع يكون من دماغك بالحرف
• الصورة بتاعت الموضوع من تصوير موبايلك وبكمرتك انت
• جمع افكارك واكتب كلام مفيد مش اقل من 500 كلمة

الابلكيشن ده على الموبايل هيساعدك تعرف عدد كلمات الموضوع وحاجات كتير هتريحك, هنبقى نعمل له موضوع نشرحه فيه. من هنا

ياترى كده الصورة وضحت يااخوانا

طبعا الكلام لحبايبنا المبتدئين, الجماعة المتمكنين ملناش دعوه بيهم, احنا غلابة وسكتنا ومشوارنا بنبتديه مع الغلابة اللى زي حالاتنا, عشان الجماعه الجمدين مش يضحكوا علينا , وحتى لو ده حصل يبقى كسبنا ابتسامه هناخود عليها صواب.

المطلوب ياحبيبى ننفذ خطوه خطوه زى الشرح, وهنمشى مع بعض واحده واحده, وهنوصل ان شاء الله.

ومتستغربشى ممكن مشوارنا ه=ياخود مننا شهر مع بعض, بس خليك فاكر كلامى لك ان غيرنا بيمشيه فى سنين صدقنى.

اتمنى نكمل مع بعض وان شاء الله هحاول لكل موضوع يكون فى فيديو هنشرح ونوضح اكتر واكتر.

واى محب له اى استفسار يترك لنا تعليق فى الموضوع

وهنرد ونتابع ونجاوب

وهنوصل

اشكركم

وانتظرونا فى الموضوع رقم 2

السلام عليكم